14-17 მაისს ავსტრიის ქალაქ ვენაში გაიმართა ევროპის პაროდონტოლოგთა ასოციაციის მიერ ორგანიზებული მსოფლიოს წამყვანი კონგრესი პაროდონტოლოგიასა და იმპლანტოლოგიაში - EuroPerio11.
კონგრესის მუშაობაში მონაწილეობდნენ კავკასიის საერთაშორისო უნივერსიტეტის პროფესორი ლელა წიტაიშვილი, ასისტენტ-პროფესორები თამარ ჯიქია, ანი ხარაიშვილი და მოწვეული ლექტორი თამარ ზუროშვილი.
EuroPerio არის მსოფლიოში წამყვანი კონგრესი პერიოდონტოლოგიასა და იმპლანტოლოგიაში. კონგრესი გამოირჩევა მრავალფეროვანი სამეცნიერო პროგრამით, რომელიც მოიცავს ცოცხალ ქირურგიულ ოპერაციებს, ინტერაქტიულ სესიებს და სხვა მრავალს. კონგრესს ესწრება 150-ზე მეტი წამყვანი სპიკერი მთელი მსოფლიოდან - თავიანთ სფეროში აღიარებული ექსპერტები, რაც მას იდეალურ ადგილად აქცევს კოლეგებთან შესახვედრად და უახლესი ინფორმაციის გასაზიარებლად.
გამოფენაზე წარმოდგენილია უახლესი პროდუქტები და ტექნოლოგიები, ხოლო პოსტერული გამოფენა მონაწილეებს აცნობს 1000-ზე მეტ ახალ პუბლიკაციას აღნიშნულ სფეროში.
კონგრესი ყოველ სამ წელიწადში ერთხელ ტარდება. აღსანიშნავია, რომ 2022 წელს დანიის ქალაქ კოპენჰაგენში კავკასიის საერთაშორისო უნივერსიტეტი საქართველოდან პირველი იყო წარმოდგენილი პოსტერული მოხსენებით პროფესორ ლელა წიტაიშვილის ხელმძღვანელობით, 2025 წელს კი EuroPerio-მ უნივერსიტეტის პროფესორების პოსტერულ პრეზენტაციას უკვე მეორედ უმანსპინძლა.
ადრესატი
თქვენი სახელი
ელ-ფოსტა
თემა
შეტყობინება
