23-25 მაისს სერბეთის დედაქალაქ ბელგრადში გაიმართა V საერთაშორისო სამეცნიერო კონფერენცია: „რელიგიის პოლიტოლოგია“ (Politology of Religion: V Bi-Annual Conference 2025), რომლის ორგანიზატორები იყვნენ ბელგრადის უნივერსიტეტის პოლიტიკის მეცნიერებების ფაკულტეტი, საერთაშორისო რეფერირებადი ჟურნალი Politics and Religion Journal და რელიგიების შესწავლისა და რელიგიური ტოლერანტობის ცენტრი (Center for Study of Religions and Religious Tolerance).
კონფერენციაში მონაწილეობა მიიღო კავკასიის საერთაშორისო უნივერსიტეტის რექტორის მრჩეველმა, პოლიტიკის მეცნიერების დოქტორმა გიორგი ფარეშიშვილმა. ის სერბ, თურქ და ისრაელელ მეცნიერებთან ერთად მონაწილეობდა მრგვალი მაგიდის ფორმატში, სადაც განიხილეს პოლიტიკისა და რელიგიის ურთიერთდამოკიდებულება აღნიშნულ ქვეყნებში. გიორგი ფარეშიშვილმა ასევე წარადგინა მოხსენება თემაზე: „პროტესტანტიზმი, როგორც დასავლეთის წარმატების მნიშვნელოვანი ფაქტორი“.
საერთაშორისო კონფერენციაში მონაწილეობდნენ მეცნიერები ამერიკის შეერთებული შტატებიდან, კანადიდან, დიდ ბრიტანეთიდან, საფრანგეთიდან, იტალიიდან, ისრაელიდან, უნგრეთიდან, ყატარიდან, არაბთა გაერთიანებული საამიროებიდან, პოლონეთიდან, პორტუგალიიდან და კიდევ 30-მდე ქვეყნის უმაღლესი საგანმანათლებლო დაწესებულებებიდან.
ადრესატი
თქვენი სახელი
ელ-ფოსტა
თემა
შეტყობინება
