25-28 მაისს ქალაქ ბანგკოკში (ტაილანდი) გაიმართა მსოფლიო მედიცინის განათლების ფედერაციის (WFME) საერთაშორისო კონფერენცია, რომელიც ეძღვნებოდა თემას: „ჯანმრთელობა ყველასათვის - ხარისხიანი სამედიცინო განათლების გზით“. კონფერენციის მიზანი იყო გლობალური ჯანმრთელობის გაუმჯობესების ხელშეწყობა სამედიცინო განათლების სტანდარტების დამკვიდრებისა და ინოვაციური მიდგომების გაზიარების გზით.
ღონისძიებაში აქტიური მონაწილეობა მიიღო კავკასიის საერთაშორისო უნივერსიტეტის მედიცინის ფაკულტეტის ხელმძღვანელობამ - ფაკულტეტის დეკანმა, პროფესორმა მაგდა თორთლაძემ და დეკანის მოადგილემ, ასოცირებულმა პროფესორმა ნანა ჯანაშიამ.
კონფერენციაში წარმოდგენილი იყვნენ მსოფლიოს სხვადასხვა ქვეყნის წამყვანი უნივერსიტეტებისა და აკრედიტაციის ორგანოების წარმომადგენლები, ასევე, სამედიცინო განათლების ექსპერტები.
უნივერსიტეტის წარმომადგენლების მონაწილეობა საერთაშორისო აკადემიურ სივრცეში მორიგი დადასტურებაა იმ ფაქტისა, რომ კავკასიის საერთაშორისო უნივერსიტეტი მტკიცედ ადგას სამედიცინო განათლების ხარისხის გაუმჯობესებისა და გლობალურ სტანდარტებთან ჰარმონიზაციის გზას. დეკანმა და დეკანის მოადგილემ კონფერენციის ფარგლებში გამართეს რამდენიმე მიზნობრივი სამუშაო შეხვედრა, მათ შორის მსოფლიო მედიცინის განათლების ფედერაციის პრეზიდენტთან, პროფესორ რიკარდო ლეონ-ბორკესთან და სხვადასხვა ქვეყნის უმაღლესი საგანმანათლებლო დაწესებულებების წარმომადგენლებთან.
აღნიშნული შეხვედრები მნიშვნელოვანი ნაბიჯია უნივერსიტეტის ინტერნაციონალიზაციისა და საერთაშორისო აკადემიურ წრეებთან თანამშრომლობის გაღრმავების მიმართულებით.
ადრესატი
თქვენი სახელი
ელ-ფოსტა
თემა
შეტყობინება
